Televišuvdnamáksu
Televišuvndnamáksu mii čoggojuvvo televišuvnna geavaheddjiin dáhkida buorrešlájat ja máŋggabeallásaš prográmmafálalaldaga riikkarádio Yleisradio kanálain. Televišuvdnamáksu doarju Yleisrádio Os:a doaimma ja prográmmafálaldaga. Buot Davviriikkat ja measta buot Oarje-Eurohpa riikkat ruhtadit televišuvdnamávssuin almmolaš radio- ja televišuvdnabálvalusaid. Suomas lea Davviriikkaid hálbbimus tv-máksu.
Televišuvdnamáksu ferte máksojuvvot Supmii álohii go sáhttá vuostáiváldit ja čuovvut Suoma dehe muhtin eará riikka televišuvdnasáddaga. Televišuvdnasáddagiid sáhttá čuovvut digitelevišuvnnain dehe televišuvnnain masa lea laktojuvvon digiheivehanbierggas. Dasa lassin sáddagiid sáhttá čuovvut satelihttavuostáváldiin, mátketelefontelevišuvnnain dehe dihtoriin. Das ii leat vealla váldojuvvogo sátta vuostá analogalažžan vai digitálalažžan. Ovdamearkkadihte muhtin kábelfitnodagat sáddejit ain analogalaš sáddagiid.
Ilmmuhusa dahkan
Televišuvnna geavahusas ferte dahkkojuvvot tv-ilmmuhus Gulahallanvirgelágádussii. Ilmmuhusa vuođul virgelágádus bearrá televišuvnna geavaheaddjis televišuvdnamávssu. Ilmmuhus ferte dahkkojuvvot ovdal televišuvnna atnui váldima. Ilmmuhus galgá dahkkojuvvot fuolakeahttá das, mot sáttá váldojuvvo vuostá, man olu televišuvdna gehččojuvvo dehe mat kanálat čuvvojuvvojit.
Ođđa tv-mávssus, tv-mávssu nuppástusain ja televišuvnna geavahusa heaitimis sáhtát ilmmuhit fierbmeskoviin, skoviin man oažžu boasttas dehe go čuojaha ášehasbálvalussii. Televišuvdnamávssu sáhttá máksit maid njuolggovealgunvugiin dege fierbmerehkegin. Goappánai máksinvuogi mielde ii dárbbaš máksit báŋkogoluid. Televišuvdnamáksu lea 231,05 euro jahkái. Tv-mávssu sáhttá máksit maid jahkebeali (116,25 euro), golmma mánu (58,80 euro) dehe mánu (19,95 euro) áigodagaid mielde.
Televišuvdnailmmuhus boahtá vuoibmái dalle, go ilmmuhus boahtá Gulahallanvirgelágádussii. Televišuvnna geavahusa maŋit álggahanbeaivvi sáhtát maid ieš mearridit. Televišuvdnamávssu máksingeatnegasvuohta joatkahuvvá dassážii go Gulahallanvirgelágádus oažžu ilmmuhusa tv:a geavahusa heaitimis.
Jos leat ilmmuhan Gulahallanvirgelágádussii persovdnadovddaldaga, ii čujuhusa dehe nama rievdadusaid dárbbaš sierra ilmmuhit. Dat biddjojuvvojit áigedássái automáhtalaččat álbmotdiehtovuogádagas. Ilmmut goitge, jos čujuhusrievdadus lea gaskaboddasaš, sierra rehketčujuhus rievdá dehe televišuvnna orrunčujuhus lea eará go rehketčujuhus.
Rávvagat ja njuolggadusat ruovttu ja fitnodagaid tv-mávssuide
Bearraša ruktui lea doarvái okta televišuvdnamáksu, vaikko anus livčče máŋga televišuvnna. Geassebartta, ássanvovnna dehe eará gaskaboddasaš geavahanbáikki várás ii dárbbaš máksit sierra mávssu. Bearašin gehččojuvvojit akto orrut dehe oktasaš dállodoalus, seamma visttis orrun- dehe náittoslihtus ealli olbmot sihke singuin bissovaččat orru mánát ja lagašfuolkkit.
Barggu dehe studerema dihte geavahuvvon nubbi visti dárbbaha goitge iežas tv-ilmmuhusa. Okto orrui lea dánnai dáhpáhusas doarvái okta máksu, jos guoros visti ii báze geange eará atnui. Studeantaorohaga, seallavistti dehe bálvalanvistti oktasaš sajiide reahkká okta tv-máksu. Orruid priváhta orrunlanjain dehe –lanjadagain geavahuvvon televišuvnnain galgá máksit iežas televišuvdnamávssu.
Fitnodagat ja servošat galget máksit tv-mávssu juohke fásta doaibmabáikkiset guovdu. Máksu gokčá maid gaskaboddasaš anu ovdamearkkadihte čájáhusas.
Bearráigeahčču
Gulahallanvirgelágádus bearráigeahččá, ahte buot televišuvnna geavaheaddjit dahket televišuvdnailmmuhusa. Tv-máksodárkkisteaddjit johtet geažos áigge miehtá Suoma dállodoaluin, main televišuvnna geavaheaddjeregistara mielde ii leat dahkkon ilmmuhus. Gulahallanvirgelágádus mearrida lágas mearriduvvon dárkkistanmávssu, jos televišuvdna lea anus almmá televišuvdnailmmuhusa haga. Dasa lassin Tv-mávssu šaddá máksit máhccevaččat guovttegeardásažžan dan áiggis, go televišuvdna lea geavahuvvon lobiheamit.
Televišuvdnamávssut vuođđuduvvet stáhta televišuvdna- ja rádioruhtadanrádjosis addojun láhkii. Mávssuid hattit nannejuvvojit stáhtaráđi ásahusain. Jos leat gažaldagat televišuvdnamáksonjuolggadusain ja tv-máksogeatnegasvuođas, de sáhttá váldit oktavuođa Gulahallanvirgelágádusa tv-mávssuid áššehasbálvalussii. Áššehasbálvalusa telefonnummár lea 09 613 161.